وزارت ماحولیاتی تبدیلی سارے صوبیں کوں ہیٹ ویو دا باضابطہ الرٹ جاری کرݙتے، اڄوکے سال درجہ حرارت معمول توں 6 توں 8 ڈگری سینٹی گریڈ ودھ رہسی، وفاقی وزیر شیری رحمان

اسلام آباد۔28اپریل(اے پی پی)وفاقی وزیر ماحولیاتی تبدیلی سینیٹر شیری رحمان آکھیے جو وزارت ماحولیاتی تبدیلی سارے صوبیں کوں ہیٹ ویو دا باضابطہ الرٹ جاری کرݙتے۔ گرمی دی ایں شدید لہر توں لوکاں دی صحت اتے زراعت کوں وی خطرات تھیسن، لوکاں کوں آہدوں جو شدید گرمی توں بچݨ کیتے احتیاط ورتن۔ آپݨے ھک بیان اچ وفاقی وزیر آکھیے جو دنیا سودھے جنوبی ایشیا کوں ایں سال شدید گرمی دی لہر دا سامݨا اے، پاکستان تے بھارت دے سرحدی علاقیں اچ درجہ حرارت 49 توں 50 ڈگری سینٹی گریڈ تئیں ونڄݨ دا چنتا کیتا ڳئے۔ شیری رحمان آکھیے جو ویلھے توں پہلے گرمی دی شدید لہر اچ ودھارا م??حولیاتی تبدیلی اتے گ??وبل وارمنگ دی علامت اے۔