اسلام آباد ۔ یکم اگست (اے پی پی) وزیر داخلہ چوہدری نثار علی خان آکھیا جو جعلی شناختی کارڈز اتے پاسپورٹس قومی سلامتی سانگے خطرہ ہن ،انہاں کوں ہر صورت ختم کر ڈتا ویسی،ہک مہینے توں گھٹ مدت اچ ایں مہم دے انتہائی حوصلہ افزا نتیجے سامنڑے امدے پئن اتے شہریاں ولوں26لکھ سنھیے نادرا کوں ملین جڈانجو 18لکھ سنھیے نادرا ارسال کیتے ،37ہزار لوک ہیلپ لائن تے کال کیتی اے،ہنڑ تئیں 23ہزار غیر متعلقہ بندیاں دی نشاندہی تھی اے،آندے مہینے توں جعلی شناختی کارڈ بنڑاونڑ آلیاں دے خلاف مقدمے درج کیتے گئے جئیں دی سزا14سال اے،ستمبر توں جعلی شناختی کارڈ رکھنڑ آلیاں دی گرفتاری شروع تھیسی،کراچی آپریشن اخیری انجام کوں پجسی۔سیاسی بیک گرائونڈ آلی گرفتاری تھیندی اے تاں آپریشن دی راہ اچ رکاوٹاں کھڑی کیتی ویندن ،اندرون سندھ اچ رینجرز 154آپریشن کیتن جنہاں اچ 533بندیاں کوں گرفتار کیتا گئے ،نیشنل ایکشن پلان دے 20اچوں 15نکات تے پیشرفت تسلی بخش اے،بھارتی وزیر داخلہ نال ملاقات سانگے بے تاب کائنی۔سونوار کوں پنجا ب ہائوس اچ پریس کانفرنس کریندیں ہوئیں انہاں آکھیا جو کراچی آپریشن بارے رینجرز اختیارات،شناختی کارڈز دی تصدیق دی مہم اتے نیشنل ایکشن پلان بارے تھیونڑ آلے اجلاس بارے گالھ کرنڑ سانگے پریس کانفرنس کیتی ویندی پئی اے۔
.jpg)
