اسلام آباد ۔ 29 جنوری (اے پی پی) وزیر خارجہ شاہ محمود قریشی آکھیے جو اومان خطہ دا اہم ملک ہے، پاکستان دے ایندے نال پرانڑے تعلقات ہن، پاکستان خطہ اچ امن تے استحکام سانگے مثبت کردار جاری رکھیسی۔ منگل کوں اومان دے دورے تے روانہ تھیونڑ توں پہلے میڈیا نال گالھ بات کریندے ہوئیں وزیر خارجہ آکھیا جو ڈو ڈینھ دے دورے تے اومان ویندا پیاں، پاکستان اومان دے سانجھاوزارتی کمیشن اچ شریک تھیساں۔ کمیشن اچ پاکستان اومان دے وزراءخارجہ سمیت مختلف محکماں دے نمائندے شامل تھیسن، اومان خطہ دا اہم ملک ہے، پاکستان دے نال ایندے پرانڑے تعلقات ہن۔ انہاں آکھیا جو وزیراعظم اتے وزیر خارجہ سمیت اومان اعلیٰ قیادت نال ملاقاتاں وی تھیسن ،جڈاں جو ملاقاتاں اچ مختلف شعبیں اچ تعاون ودھاونڑ تے خیالیں دا تبادلہ وی تھیسی۔ انہاں آکھیا جو اوہ دورے اچ مفاہمت دی یادداشت تے وی دستخط کریسن اتے مستقبل اچ تعاون کوں اگی تے ودھاونڑ سانگے لائحہ عمل بنڑاونڑ تے وی گالھ بات کریسن ۔ ہک سوال دے جواب اچ انہاں آکھیا جو افغانستان اتے خطہ دی صورتحال تے انہاں کوں اعتماد اچ گھنساں اتے اومان اچ رہونڑ آلی پاکستانی برادری نال وی ملساں ،رل مل تے اساں پاکستان دے مفاد اتے خطہ اچ امن تے استحکام سانگے اپنڑاں کردار ادا کرنے۔ انہاں آکھیے جو پاکستان خطہ اچ امن تے استحکام سانگے مثبت کردار جاری رکھیسی۔
.jpg)
