شمسی توانائی گھراں، صنعتاں و دکاناں سودھا ہر شعبہ کیتے ضروری اے، وزیراعظم محمد شہباز شریف دا تقریب نال خطاب

اسلام آباد۔8اگست(اے پی پی)وزیراعظم محمد شہباز شریف آکھیے جو زرعی ٹیوب ویلز دی شمسی توانائی تے منتقلی دے منصوبہ تے 377 ارب روپے لاگت آسی، سولر کیتے ہک ترہائی حصہ کسان اتے باقی حصہ وفاق اتے صوبے ݙیسن، شمسی توانائی گھراں، صنعتاں و دکاناں سودھا ہر شعبہ کیتے ضروری اے، ساݙی اسمبلی دی مدت پوری تھیندی پئی اے، صدر کوں اسمبلی دی تحلیل دا لکھ ݙیساں۔ اے ڳالھ انہاں اسلام آباد اچ ہک لکھ زرعی ٹیوب ویلاں دی شمسی توانائی تے منتقلی دی تقریب نال خطاب اچ آکھی۔ انہاں آکھیا جو ساݙی حکومت دی مد پوری تھیوݨ توں پہلے شمسی توانائی دے ٹیوب ویلاں دے ایں منصوبے کوں شروع کیتے، ایندے نال ملک اچ زراعت خوشحالی دا انقلاب آسی، ایندے توں ودھ ملک دی ٻئی کوئی وݙی خدمت نئیں تھی سڳدی۔ انہاں آکھیا جو ملک کوں سستی بجلی دی لوڑھ اے، ایندے بغیر صنعت و حرفت، زراعت و برآمدات ترقی نئیں کر سڳدی، سستی بجلی ݙیوݨ ہر حکومت دا فرض اے۔

مضمون کا ماخذ : لاٹری کی قانونی حیثیت

متعلقہ مضامین