راولپنڈی ۔25دسمبر(اے پی پی):پاک فوج دے سربراہ جنرل سید عاصم منیر آکھیے جو اسلام امن اتے بین المذاہب ہم آہنگی ودھیندے، چیلنجز اتے مسلیاں نال نٻݨݨ کیتے بیان بازی اتے پروپیگنڈے دی نفی کرݨی ہوسی، قومی مسائل بارے درست نقطہ نظر، سچائی اتے باعلم رائے ودھاوݨ دی لوڑھ اے، پاکستان دے دشمن مذہبی، نسلی و سیاسی کمزوریاں استعمال کریندے دراڑاں سٹݨ اچ ردھے ہوئن، ساکوں ہک پُرعزم اتے مضبوط قوم ٻݨݨ کیتے ہک مٹھ اتے ہک جان تھیوݨا ہوسی۔ آئی ایس پی آر آکھیے جو آرمی چیف اے ڳالھ کرائسٹ چرچ راولپنڈی اچ مسیحی برادری دی تقر یب نال خطاب اچ آکھی۔ چرچ انتظامیہ انہاں دا استقبال کریندے تقریب اچ آوݨ تے شکریہ ادا کیتے۔ آرمی چیف مسیحی برادری کوں کرسمس دی مبارک ݙتے۔ آرمی چیف متحد و ترقی پسند پاکستان کیتے قائد دے حقیقی وژن تےعمل کرݨ اتے معاشرے اچ بین المذاہب ہم آہنگی ودھاوݨ تے وی زور ݙتا۔ آرمی چیف قائداعظم دے ڄمݨ ݙینھ تے انہاں دے عظیم وژن اتے قیادت کوں شاندار خراج تحسین پیش کیتے اتے قائد دے 11 اگست1947 کوں دستور ساز اسمبلی نال خطاب اچ تاریخی کلمات دا حوالہ ݙیندے آکھیے جو قائداعظم آکھیا ہا جو تساں آزاد ہو ٻھاویں اپݨے مندر ونڄو یا گرجے، تساں ایں ریاست پاکستان اچ اپݨی مسیتاں یا کہیں ٻئی عبادت گاہ ونڄ سڳدے او۔ آرمی چیف سارے شعبیاں اتے حدود اچ پاکستان دی پوری مسیحی برادری دی خدمات اتے قربانیاں کوں سلام کیتے۔
.jpg)
