د كورنيو چارو٬ منصوبه بندې٬ پرمختګ او اصلاحاتو وزير احسن اقبال د لاهور چېمبر دستورې ته وېنا

لاهور 27 جنوري (اے پي پي) د كورنيو چارو٬ منصوبه بندې٬ پرمختګ او اصلاحاتو وزير احسن اقبال وئيلي دي چې سږ كال به د جي ډي پي د پرمختګ 6 فيصده شرح ترلاسه كولو كښې بريالي شو٬ د توان په څانګه كښې 404 اربه روپې او د بنيادي پرمختګ په څانګه كښې 411 اربه روپې سرمايه كاري شوې٬ د پاكستان په تاريخ كښې په وړومبي ځل د تهر پشان پاتې سيمه كښې د 5 اربه ډالرو سرمايه كاري كېږي۔ ده دا خبرې د خالي په ورځ په لاهور كښې د لاهور چېمبر دستورې ته د وېنا كولو په مهال وكړې۔ په دې موقع د نادرا ډائرېكټر جنرل٬ د لاهور چېمبر صدر ملك طاهر جاوېد او نور مشران هم موجود وو۔ وفاقي وزير ووئيل چې د كال 2013م په ټولټاكنو كښې قوم دا پېغام وركړے و چې د چېلنجونو او كشالو خاتمې لپاره د تجربه لرونكي مشر ضرورت دے ځكه چې د شل كروړه اولس ګاډې هر هغه كس نه شي چلولې كوم چې چرته كومه يوه بلدياتي اداره يا وفاقي اداره هم نه وي چلولې۔ ده ووئيل چې هېواد سختو حالاتو او ترهګرې سره مخ و۔ د كراچې د حالاتو له امله د سلګونو په شمېر كارخانه بند وې۔ په بلوچستان كښې قومي ترانه او قومي بېرغ جرم و۔ سرمايه كار پاكستان ته راتګ ته تيار نه وو۔ ده ووئيل چې په كال 2018م كښې لوډشېډنګ ختم شوےِ٬ ترهګري ختمه شوې٬ ترهګر په محاصره كښې دي٬ په هېواد كښې 90 فيصده فرقه واريت او ترهګري كمه شوې۔ په كراچې كښې امن راغلې او د 100 نه زياتې بند كارخانې بيا چالو شوې دي۔ په ټول بلوچستان كښې قومي بېرغ هسك دے۔ ده ووئيل چې په څلورو كلونو كښې 11 زره مېګاواټه برېښنا جوړه كړې شوې۔ ده ووئيل چې سږ كال به د جي ډي پي د پرمختګ 6 فيصده شرح ترلاسه كولو كښې بريالي شو٬ د توان په څانګه كښې 404 اربه روپې او د بنيادي پرمختګ په څانګه كښې 411 اربه روپې سرمايه كاري شوې٬ د پاكستان په تاريخ كښې په وړومبي ځل د تهر پشان پاتې سيمه كښې د 5 اربه ډالرو سرمايه كاري كېږي۔

مضمون کا ماخذ : تعداد بہت زیادہ ہے۔

متعلقہ مضامین